Дунен меттай бувзамаш

Хьалха вай хьунашка гIалаш хиннад ала таро хулийт цу гIулакхо. Цар хозал, оамалаш зувш болча лоамароша царна тIагIолла шоай къамах цIи тилла хила тарлу. Цул совгIа, цхьаькха дош а да укхаза хьоахаде а тахка а хьакъ долаш. ГIалгIа яхача дешаца цхьа овла болаш я аьнна хет сона Галайнаькъан тайпан цIи. Ш. Дахкильговс яздаьча «ГIалгIай тайпаш хьадалар» яхача книжка тIа белгалдаьккхад Галайнаькъан хьабаьннаб Галан-чIожера аьнна. Бакъда цу Галан яхача деша маIанах хIама хьоахадаьдац цо. Кхыча Iилманхочо А. Сулеймановс «Нохч-ГIалгIай топоними» яхача ший книжка тIакъоаггадаь аьннад цох...