«Зыянтомо регион» (эрзя)

Мордовиясо ютась «Зыянтомо регион» оперативень-профилактикань мероприятия.
Мероприятиянь прявт тевесь — кинь-ардомапелень тамашатнень истяжо ардома китнес иредезь ветицятнень, прававтомотнень ды правань нельгезетнень анолдамось. Ванномань ютавтомсто ДПС-нь инспектортнэ кардасть китнесэ зыянтомо ардомань 300 ламо коламот, ливтезь амаштовикс ардомапелень тевс нолдамонь малав 50 тевть, кототнесэ ветицятнень арасельть праваст эли праватне нельгезельть.
Оперативень-профилактикань мероприятиянь ютавтомсто Госавтоинспекциянь важодицятне кундасть иредезь 5 ветицят. Истя, Ковылкинасо Королевонь куросо ДПС-нь патрулесь лоткавтсь 50 иесэ «ВАЗ 2112» ардомапелень ветиця. Се тувталонть коряс, што ветицянть неявсть иредемань ёнкст, сонензэ мерезель ютамс медицинань ваннома, конань цётамотне невтсть — цёранть верьсэ симемапель арась. Седе тов ваномга те эрицясь пачтязель лецямонь учрежденияс, косо медиктне мусть цёранть организмасо наркотикень ёнкст.
Сарансо Гожувская куросо ДПС-нь важодицятне лоткавтызь 23 иесэ тейтеренть, кона ветясь «Ниссан Дюк» ардомапель. Ванномань ютавтомсто ливтезель, тейтеренть ютазь иестэ арасель мелезэ ютамс медицинань освидетельствования ды 18-во ковс нельгизь кедьстэнзэ транспортонь средствань ветямодо праватнень, ансяк те эзизе лоткавто руль экшс таго озамодонть. Ветицянть ланг сёрмадозельть административень материалт. Ардомапелесь путозель специальной аштема таркас.
Госавтоинспекциясь терди ветицятнень кирдемс кинь ардомань правилатнень, ванстомс эсенк ды перьканк ломантнень эрямотнень!