Российский энаейилг’а нантоӈвавын инэльпинӈын йиччулг’ын омега-3 то аӈкачыку тыӈэлг’у в’ытв’ыто,ыннин инэльпинӈын ев’иннетики йиплепавык кытгэмгиӈын г’олячгэн, меӈию тыг’ыллай аӄачыг’ычгина (COVID-19). В’уткекьйит омакальг’анма иви инэллэчг’ын РАН А. Адрианов. Янотыӈ вэтатылг’ын Минздравык РФ О. Аполихин эвыӈ, аӄачыг’ычгиӈа кунг’эӄэчгув’ӈынин кытгэмгиӈын г’олячгэн, в’отэныӈӄо актыка ныкмиӈаннав’ ычгинэв’ ӈэв’г’эну.
«Муйик дальневосточный учёныя Тихоокеанский институтыӈӄо то ынныӈийты эччатыӈӄо «Корякморепродукт» нантоӈвав’нав’ инэльпинӈу йиччулг’у ыннымытӄымытык омеган-3 то аӈӄачыкокенав’ в’ытыв’ыто. В’утин инэльпинӈэ ку’инненӈынин метг’аӈ пылык инэльпинӈын, то кунив’тылэтвенӈынин тыг’ылгиӈо»,- иви Андрианов.
«Энанчечг’атгиӈа нэнг’уев’нэв’ нымэлӄинэв’ акметгиӈо инэльпинӈин, тит йиплепавык кыгемгиӈын, ӈэвэӄ пылык ыннин препарат»,- эвыӈ итылг’ын академико. Эв’лай эначгыпавылг’о ТАСС.
Эняннимэв’нэн С.Тынанто