Мәхмүт ага 90 яшьлек юбилеен билгеләп үтә

Бүген Сарманда яшәүче районыбызның хөрмәтле кешесе Газдалов Мәхмүт Газдал улына 90 яшь тулды.

Аны күркәм гомер бәйрәме белән район башлыгы һәм шәхсән үз исеменнән район Башкарма комитеты җитәкчесе Әлфис Мөхәммәтгәрәев тәбрикләде.
- Бүген Сарманда матур бәйрәм – районыбызның күренекле шәхесләреннән берсе, ярты гасырга якын гомерен балаларга белем һәм тәрбия бирүгә багышлаган Мәхмүт агага 90 яшь тулды. Сез, Мәхмүт ага, районыбызның легендар шәхесе. Безнең барыбызның да гомеренең бер өлеше укытучылар кулы астында үтә. Ә сез укыткан укучыларның шактые әле сезнең эшне дәвам да итәләр. Сезгә ныклы сәламәтлек, күңел тынычлыгы телибез, якыннарыгыз янәшәсендә, күп санлы укучыларыгызның, әйләнә-тирәдәгеләрнең олы хөрмәтен тоеп, озын гомер кичерегез! – диде.
Мәхмүт аганы гомер бәйрәм белән шулай ук район оешмалары вәкилләре, бергә эшләгән хезмәттәшләре, укучылары, якыннары, туганнары һәм башкалар котладылар, иң изге теләкләрен җиткерделәр.
Мәхмүт ага турында тулырак язманы газетабызның киләсе санында укый аласыз.
Зөлфия Шәрипова язмасы һәм фотолары

Галерея

    Хотите больше?

    Получите полный доступ к новостям и аналитике бесплатно и без рекламы.

    Анализ статьи

    ×
    Организации
    Упоминаются
    УК РАЙОН
    Компании